ရုပ်ပြောင်း ရုပ်လွဲ

မျက်နှာထားက ကွမ်းတပြေး
ကိုယ်နေကိုယ်ဟန်
သူ့ပုံစံက
မိန်မဆန်ဆန်
နောက်ကကြည့်တော့
ရင်ဖိုတောင် မသမ်းသေးတဲ့ အနေအထား ။

နှင်းနုရောင် နူတ်ခမ်းပါး အလွှာနှစ်ထပ်က
အများသူငါ နှစ်လုံးသားထဲ
စွတ်ပျံ့လို့ သက်ဝင် ။

စွဲမက်စေတဲ့
သူ့ရဲ့
လုံးကျစ်ကျစ် တင် ခန္ဓာ
အုံကြွနေတဲ့ ရင်တဖုံ ။

အပြောမကောင်းပေမဲ့
သဘောကောင်း၏ ။

မာန်စွယ်ထိမှန်
ဒေါသမြန်သတဲ့
တုံ့ပြန်မှု့ ရုပ်အသွင်
နီကျင့်စေတာ
သူမျက်နှာ ။

ကလေးအထာ သူ့စိတ်တွေက
မပြတ်မသား မာနဇောင်းနဲ့
လူတကာကို ရိုက်ချိုးပစ်တာ
သူ့အလှပညာ ။

မျက်နှာပွင့်ဆေး
သူမသုံးဘူး
ကြိုက်သူ ၊ ခိုက်သူ
များလွန်းပါဘိတော့တယ် .....။ ။

ညီစေနိင်
၁၊၈၊၂၀၁၀။

ရင်ကွဲအလွမ်း

၈၅ ခုနှစ်က အလွမ်းတက္ကသိုလ်
ရင်ထဲမှာ မချိတင်းခဲနဲ့
အဆွေးထဲက သွေးစိမ်းတွေတောင် ထွက်ကျလို့ ....

သမိုင်းစာအုပ်ကြားက ကံ့ကော်တန်း
ဥသြငှက်ရဲ့ ကဗျာအက်ကွဲသံ သဲ့သဲ့ ....

ဟောဒီ နံရံမှာ တို့တွေအားလုံး မမေ့ကြေး
အမှတ်တရ လွမ်းစာတွေ ထုဆစ်ခဲ့ကြ ....

နေသားကျနေတဲ့ မိခင်ကျောင်းတော်ကြီးလဲ
သံချေးရောင်တွေ တက်နေပြီ ....

တချို့က
ကဗျာတွေနဲ့ လွမ်း ..

တချို့က
သီချင်းတွေနဲ့ လွမ်း ..

တချို့က
ပန်းကုံးတွေကြားမှာ နာမည်တစ်လုံးနဲ့
ငြိမ်သက်နေလိုက်တာများ
လွမ်းစိတ်ကို ပိုစေတယ် ....

သူ့နေရာနဲ့ သူ
အလွမ်းကိုယ်ဆီနဲ့
သတိတွေရနေကြဆဲ ....

ဟိုတချိန်က
တက္ကသိုလ် ... ဆီသို့  ။ ။

ညီစေနိင်
၁၊၈၊၂၀၁၀။
မှတ်ချက်။ ။ဒီကဗျာလေးကိုရေးဖြစ်သွားရတဲ့ အကြောင်းကတော့ ဟာသလူရွှင်တော် ပိန်ပိန် ရဲ့ မိုးနတ်သူဇာ အငြိမ့်သဘင်စတင်ခြင်းနှင့် ကျောင်းသားဘ၀ကတက္ကသိုလ်အကြောင်း စောင်းပါးလေးကို ဖတ်ဖြစ်ပြီး ကျောင်းသားဘ၀ရဲ့ အသက်အငွေ့ကို ခံစားပြီး ရေးဖွဲ့ထားခြင်းဖြစ်ပါသည်။