ရင်ကွဲအလွမ်း

၈၅ ခုနှစ်က အလွမ်းတက္ကသိုလ်
ရင်ထဲမှာ မချိတင်းခဲနဲ့
အဆွေးထဲက သွေးစိမ်းတွေတောင် ထွက်ကျလို့ ....

သမိုင်းစာအုပ်ကြားက ကံ့ကော်တန်း
ဥသြငှက်ရဲ့ ကဗျာအက်ကွဲသံ သဲ့သဲ့ ....

ဟောဒီ နံရံမှာ တို့တွေအားလုံး မမေ့ကြေး
အမှတ်တရ လွမ်းစာတွေ ထုဆစ်ခဲ့ကြ ....

နေသားကျနေတဲ့ မိခင်ကျောင်းတော်ကြီးလဲ
သံချေးရောင်တွေ တက်နေပြီ ....

တချို့က
ကဗျာတွေနဲ့ လွမ်း ..

တချို့က
သီချင်းတွေနဲ့ လွမ်း ..

တချို့က
ပန်းကုံးတွေကြားမှာ နာမည်တစ်လုံးနဲ့
ငြိမ်သက်နေလိုက်တာများ
လွမ်းစိတ်ကို ပိုစေတယ် ....

သူ့နေရာနဲ့ သူ
အလွမ်းကိုယ်ဆီနဲ့
သတိတွေရနေကြဆဲ ....

ဟိုတချိန်က
တက္ကသိုလ် ... ဆီသို့  ။ ။

ညီစေနိင်
၁၊၈၊၂၀၁၀။
မှတ်ချက်။ ။ဒီကဗျာလေးကိုရေးဖြစ်သွားရတဲ့ အကြောင်းကတော့ ဟာသလူရွှင်တော် ပိန်ပိန် ရဲ့ မိုးနတ်သူဇာ အငြိမ့်သဘင်စတင်ခြင်းနှင့် ကျောင်းသားဘ၀ကတက္ကသိုလ်အကြောင်း စောင်းပါးလေးကို ဖတ်ဖြစ်ပြီး ကျောင်းသားဘ၀ရဲ့ အသက်အငွေ့ကို ခံစားပြီး ရေးဖွဲ့ထားခြင်းဖြစ်ပါသည်။