မြစ်မင်း ဧရာဝတီ
မငိုပါနဲ့ဧရာဝတီ
ပန်းတွေကြွေတာ
သေတာမဟုတ်ပါဘူး
အသစ်တဖန် မွေးဖွားခြင်ပါ
…။
မလွမ်းပရစေနဲ့ဧရာဝတီ
အမိရေမှ ထွက်ပြေးဖို့
မကြိုးစာပါနဲ့
အမိရေမှာမွေးဖွား
အမိရေမှာကြီးပြင်
အမိရေမှာပဲ နေထိုင်ပြီး
ရှင်သန်ပါလော့ ...
နိုးထပါလော့ …
စီးဆင်းပါလော့ …။
ဒဏ်ရာများနဲ့ဧရာဝတီ
ရေသံတွေကြားမှာငိုငြည်းသံများစွာနဲ့
နာဖျားနေပြီလား
ပြင်ထန်တဲ့လှိုင်းပုခက်တွင်းမှာ
ရိုးစင်းစွာ
အနယ်ထိုင်းခြင်းကို
အသက်သွင်းနေရပြီလား ...။
အနယ်ထိုင်းခြင်းကို
အသက်သွင်းနေရပြီလား ...။
ချစ်သော ဧရာဝတီ
ကမ္ဘာမြေက သဒ္ဒါကြေးနဲ့
တန်းဖိုးဖြတ်လိုက်ပြီတဲ့လား
တို့အသွေး တို့အသားတွေနဲ့
တည်ဆောက်ထားတာမို့
အားလုံးကိုကျောခိုင်းဖို့ဆိုတာ
မဝံ့ရဲပါဘူး ...ဧရာဝတီ ။
လှပသော ဧရာဝတီ
အသင့် ရေကြောတွေထဲ
အဆိပ်ရည်တွေ
လောင်းထည့်နေတာမဟုတ်ဘူး
ခွန်အားတွေကို
စွမ်းအင်အဖြစ်ညစ်ထုတ်နေတာ
ပေါက်ကွဲလိုက်ပါ … ဧရာဝတီ ။
ငြိမ်းချမ်းရေးအတွက်
ဧရာဝတီရဲ့သွေးတွေဖောက်ထုတ်ပစ်မယ်ဆိုရင်
အဲဒီသွေးတွေဟာ
ငါတို့ရဲ့ သွေးတွေသာ
မြေမှာခပါစေတော့ ...။
ရာဇဝင်ထဲက ဧရာဝတီ ...
သမိုင်းထဲက ဧရာဝတီ ...
မြစ်တို့ရဲ့ ဧရာဝတီ ...
အမိမြန်မာနိင်ငံရဲ့
ဧရာဝတီ ...
ငါတို့ရဲ့ ဧရာဝတီ ...
ကျနော် အားရပါရ
..အော်ခေါ်ပါရစေ ။
ဒါဟာ ဇာတ်အသွင်ဆောင်တဲ့
မရဏ အရှင်သေမင်း
စစ်ခင်းနေတာမဟုတ်ဘူး ...။
နေဝင်ချိန်ဆိုတာ
သေဆုံးခြင်းတဲ့
ပျက်စီးခြင်းဆိုတာ
ပျောက်ဆုံးတတ်တဲ့သဘော ...။
သမိုင်းဆိုတာ
လူတွေကဖန်တီတာပါ
သဘာဝတွေကိုတော့
ပတ်ဝန်းကျင်က ဖန်တီတာပါ
ဖန်တီသူတွေက လူတွေပါပဲ
ကယ်တင်မယ့်သူတွေကလဲ
လူတွေပါပဲ
ဧရာဝတီမြစ်ကို
ဘယ်သူသတ်တာလဲ … ။
ဧရာဝတမြစ်ကြီး…..ရေ
အနာဂတ်မှာ
မင်းရေးဖွဲ့တဲ့
ကဗျာ တွေ
သီချင်း တွေ
ဆည်းဆာအလှ ပန်းချီကားတွေ
ရပ်တန့်သွားမှာကိုဖြင့်
ငါ တွေးတွေးပြီးတော့
အော့နှလုံးနာလှတယ် …။
အော့နှလုံးနာလှတယ် …။
မိုးကုတ်စက်ဝိုင်းရဲ့
ထောင့်တနေရာမှာ ရောင်စုံသက်တန့်ကြီးရှိတယ်
သူ့အောက်မှာ
ဖွေးဖွေးလှုပ် ဧရာဝတီမြစ်ကြီးရှိတယ်
မြစ်ကြီး ၊ မြစ်ငယ် ၊ မြစ်လက်တက်တွေ အသွယ်သွယ်ဖြင့်
တို့တိုင်မြန်ပြည်
ဆန်၊ရေ၊စပါး သာယာဝဖြိုးစေရေး
တဘက်တလမ်းက
ပေးကမ်းကျွေးမွေးခဲ့တယ်...။
ငွေရောင်အလှ၊ရွှေရောင်အလှတွေနဲ့
တင့်တယ်ဝံ့ကြွား စေတီပထိုးတော်များ...။
ကွေ့ကောက်နေတဲ့ မြစ်မင်းဧရာဝတီကို
ဘယ်သူ ဆွဲဆန့်လိုက်တာလဲ.........။
ငါတော့ဖြင့်
ကမ္ဘာမကြေဘူး ....
မုန်းလိုက်တဲ့
အဲဒီ ဂျိုသားတွေ..........။
ညီစေနိင်
၁၈၊၉၊၂၀၁၁။